హైదరాబాద్: భారతదేశంలోని ప్రముఖ మెట్రో నగరాల్లో హైదరాబాద్ రియల్ ఎస్టేట్ రంగం అభివృద్ధి పథంలో దూసుకెళ్తోంది. ఐటీ, ఫార్మా కంపెనీలకు కేంద్రంగా ఉండటంతో పాటు, ఔటర్ రింగ్ రోడ్ (ఓఆర్ఆర్), మెట్రో విస్తరణ, భారీ రింగ్ రోడ్ నిర్మాణం, ఆహ్లాదకరమైన వాతావరణం హైదరాబాద్ రియల్ ఎస్టేట్ మార్కెట్‌కు బలమైన పునాదులను అందిస్తున్నాయి. నగర శివార్లలో అత్యాధునిక సౌకర్యాలతో కూడిన గేటెడ్ కమ్యూనిటీలు, విల్లాలు, రెసిడెన్షియల్ వెంచర్లు వేగంగా అభివృద్ధి చెందుతున్నాయి.
ఈ నేపథ్యంలో, నగరవాసులకు అత్యంత ఆధునిక, విలాసవంతమైన జీవన అనుభవాన్ని అందించేందుకు జీహెచ్ఆర్ ఇన్‌ఫ్రా, లక్ష్మీ ఇన్‌ఫ్రా, అర్బన్ బ్లాక్స్ రియాలిటీల జాయ్ఞచ్చ జీహెచ్ఆర్ లక్ష్మీ అర్బన్ బ్లాక్స్ ఇన్‌ఫ్రా సరికొత్త ప్రాజెక్ట్‌ను ప్రకటించింది. రూ. 3,169 కోట్ల పెట్టుబడితో నిర్మితమవుతున్న ‘ది కాస్కేడ్స్ నియోపోలిస్’ అనే లగ్జరీ రెసిడెన్షియల్ ప్రాజెక్ట్ హైదరాబాద్‌లో ఒక ఐకానిక్ ల్యాండ్‌మార్క్‌గా నిలవనుంది.
ఈ ప్రాజెక్ట్‌లో 63 అంతస్తులతో కూడిన 5 టవర్లు, సుమారు 217 మీటర్ల ఎత్తుతో నిర్మితమవుతాయి. 7.34 ఎకరాల విస్తీర్ణంలో వ్యాపించి ఉన్న ఈ ప్రాజెక్ట్‌లో 1,189 ట్రిపుల్, ఫోర్ బెడ్‌రూమ్ అపార్ట్‌మెంట్లు ఉంటాయి, ఇవి 2,560 చదరపు అడుగుల నుంచి 4,825 చదరపు అడుగుల విస్తీర్ణంలో నిర్మించబడతాయి. 54వ అంతస్తులో ప్రైవేట్ పూల్స్, 10 ప్రత్యేక పెంట్‌హౌస్‌లు ఈ ప్రాజెక్ట్‌కు ప్రత్యేక ఆకర్షణగా నిలుస్తాయి.
పర్యావరణ సమతుల్యతను కాపాడుతూనే ఆరోగ్యం, ఆహ్లాదాన్ని అందించే విధంగా ఈ ప్రాజెక్ట్‌ను ఖచ్చితమైన ప్రణాళికతో రూపొందించారు. లగ్జరీ, స్మార్ట్ లివింగ్ స్పేస్‌లకు పెరుగుతున్న డిమాండ్‌ను తీర్చేందుకు ఈ ప్రాజెక్ట్‌లో అత్యాధునిక సౌకర్యాలకు ప్రాధాన్యత ఇచ్చారు. అపార్ట్‌మెంట్ల ప్రారంభ ధర రూ. 3 కోట్లుగా నిర్ణయించబడింది. ఈ ప్రాజెక్ట్ మార్చి 2030 నాటికి అందుబాటులోకి రానుంది.
హైదరాబాద్ నగరానికి ఒక కొత్త గుర్తింపును అందించే ఈ ప్రాజెక్ట్, ఆధునిక జీవన శైలిని ఆస్వాదించాలనుకునే వారికి ఒక అద్భుతమైన ఎంపికగా నిలుస్తుంది.
BREAKING NOW APP
ఎప్ప‌టిక‌ప్పుడు మ‌న వార్త‌ల కోసం ఇప్పుడే ప్లేస్టోర్ నుంచి
Breaking News APP డౌన్‌లోడ్ చేసుకొండి
https://breakingnewstv.co.in/mobileapp/
