హైదరాబాద్,: నేడు హోటల్ తాజ్ డెక్కన్‌లో అత్యంత వైభవంగా జరిగిన కార్యక్రమంలో అంతర్జాతీయ స్థాయిలో తొలిసారిగా ప్రాజెక్ట్ మిస్ సౌత్ ఇండియా UK ప్రారంభమైంది. ఈ ప్రాజెక్టును బాలీవుడ్ నటి వామికా గబ్బి అధికారికంగా ఆవిష్కరించారు. ఈ కార్యక్రమానికి మీడియా, సామాజిక వర్గాల నుంచి విశేష స్పందన లభించింది.
జూలై 2025 నుండి జూలై 2026 వరకు సంవత్సర కాలపరిమితితో నిర్వహించబోయే ఈ ప్రాజెక్ట్, UKలో నివసిస్తున్న 18–28 ఏళ్ల వయస్సు గల తెలుగు, తమిళ, కన్నడ, మలయాళ మూలాలున్న యువతులను ప్రోత్సహించేందుకు ఒక గొప్ప వేదికగా మారనుంది. వారిలోని సాంస్కృతిక వారసత్వం, ప్రతిభ, నాయకత్వ లక్షణాలను వెలికితీయడమే ఈ ప్రాజెక్ట్ ఉద్దేశ్యం.
ప్రారంభ వేడుకలో వామికా గబ్బి మాట్లాడుతూ, “మిస్ సౌత్ ఇండియా UK కేవలం అందాల పోటీ కాదు; ఇది మన సంస్కృతిని, మహిళల గౌరవాన్ని జాతీయ స్థాయిలో ప్రదర్శించేది. ఈ యాత్రలో భాగంగా ఉండటం గర్వంగా ఉంది,” అన్నారు.
ఈ ప్రాజెక్ట్‌లో Miss Telugu UK, Miss Tamil UK, Miss Kannada UK, Miss Malayalam UK వంటి ప్రాంతీయ టైటిల్స్‌ ఉండనున్నాయి. తుదిపోటీ UKలో నిర్వహించబడుతుంది, అందులో సంప్రదాయ వస్త్రధారణ, ప్రతిభా ప్రదర్శనలు, ప్రశ్నోత్తరాలు, సాంస్కృతిక ప్రదర్శనలతో కూడిన అద్భుత కార్యక్రమం జరుగుతుంది.
విజేతలకు లక్షల రూపాయల నగదు బహుమతులు, కిరీటాలు, మోడలింగ్ అవకాశాలు, అంతర్జాతీయ స్థాయిలో ప్రాతినిధ్యం వహించే అవకాశాలు లభించనున్నాయి. ఈ ఫైనల్‌ను ప్రత్యక్ష ప్రసారంగా మరియు ఆన్‌లైన్‌లో 3.5 లక్షల మంది వీక్షించే అవకాశం ఉంది. సామాజిక మాధ్యమాలలో కోట్ల్ని మించే వ్యూస్ లక్ష్యంగా తీసుకుంటున్నారు.
ఈ కార్యక్రమానికి మనీష్ మల్హోత్రా, సబ్యసాచీ, నీరూస్ లాంటి టాప్ డిజైనర్లు, తనిష్క్, లక్ష్మే, VLCC, జీ టీవీ, తాజ్ హోటల్స్ వంటి ప్రముఖ బ్రాండ్లు భాగస్వాములవుతారు. UKలోని దక్షిణ భారతీయ సంఘాలు, ప్రముఖ ఇన్‌ఫ్లుయెన్సర్లతో కూడిన భాగస్వామ్యాలు కూడా ఉండనున్నాయి.
ఇప్పటి నుండి నమోదు, ప్రచార కార్యక్రమాలు ప్రారంభంకానున్నాయి. భారత్ మరియు UKలో పలు కార్యక్రమాలు నిర్వహించబోతున్నారు.
ప్రాజెక్ట్ మిస్ సౌత్ ఇండియా UK కేవలం అందాల పోటీ కాదని, అది మన సాంస్కృతిక గర్వాన్ని ఆవిష్కరించే ఉద్యమమని, సమాజం కోసం కట్టుబడి ఉన్న కొత్త తరపు మహిళలను స్ఫూర్తి పరిచేదిగా నిలుస్తుందని నిర్వాహకులు తెలిపారు.