▪️ అమెరికాలో దిగ్గ‌జ సంఘాల‌కు ధీటుగా ‘మాటా’
▪️ అతి త‌క్కువ స‌మ‌యంలోనే వేగంగా విస్త‌రిస్తున్న తెలుగు సంఘం
▪️ చికాగో, సియాటెల్, బే ఏరియాల్లో జ‌రిగిన‌ ‘మాటా’ కిక్-ఆఫ్
▪️ అమెరికా తెలుగు స‌మాజాన్ని ఒక్క‌టి చేస్తున్న ‘మాటా’
▪️ శ్రీనివాస్ గనగోని సారథ్యంలో గుండె గుండెను తాకుతున్న‌ ‘మాటా’

చికాగో, సియాటెల్, బే ఏరియా (స్వాతి – యూఎస్ఏ):

అగ్ర‌రాజ్యం అమెరికాలో తెలుగు జాతి ఔన్నత్యాన్ని ఘ‌నంగా చాటిచెబుతోంది మ‌న అమెరికన్ తెలుగు అసోసియేషన్ (MATA). అమెరికా తెలుగు స‌మాజాన్ని ఒక్క‌టి చేస్తోంది. ‘మాటా’ వ్యవస్థాపక అధ్యక్షుడు శ్రీనివాస్ గనగోని సారథ్యంలో ఏర్పాటైన ఈ అసోసియేష‌న్ అతి త‌క్కువ స‌మ‌యంలోనే వేగంగా విస్త‌రిస్తూ అమెరికాలో దిగ్గ‌జ సంఘాల‌కు ధీటుగా నిల‌బ‌డుతోంది.

శ్రీనివాస్ గనగోని నాయ‌క‌త్వానికి అగ్ర‌రాజ్యంలో ప్ర‌శంస‌లు కురుస్తున్నాయి. ప్రారంభించిన కొద్ది కాలంలోనే అమెరికాలోని తెలుగు వారితో మాట మాట క‌లుపుతూ ఒకే ‘మాటా’గా నిల‌బ‌డుతోంది. అమెరికాలోని పలు ప్రాంతాల్లో వేగంగా విస్త‌రిస్తున్న అరుదైన ఘ‌న‌త సాధిస్తోంది. తాజాగా చికాగో, సియాటెల్, బే ఏరియాలో కిక్-ఆఫ్ ఈవెంట్‌లు జరిగాయి.

అమెరికాలోని వివిధ ప్రాంతాలలో తెలుగు కమ్యూనిటీని కనెక్ట్ చేస్తున్న ‘మాటా’ కొత్త‌ మైలురాళ్లను నెల‌కొల్పుతోంది. ఈ క్ర‌మంలో MATA చికాగో కిక్-ఆఫ్ ఈవెంట్‌ డిసెంబ‌ర్ 9న ఘ‌నంగా జ‌రిగింది. గౌర‌వ అతిథిగా కాంగ్రెస్‌మేన్ రాజా కృష్ణ‌మూర్తి పాల్గొని ప్ర‌సంగించారు. ఈ ఈవెంట్‌లో ప్లేబ్యాక్ సింగ్ వేణు శ్రీ‌రంగం నిర్వ‌హించిన ఈ కార్య‌క్ర‌మం ఆహూతుల‌ను అల‌రించింది. మాటా చికాగో స‌భ్యులు ర‌వి కిర‌ణ్ బాబు కండిమ‌ల్ల‌, అవినాష్ బానాల‌, ఉషా మ‌ర‌గాని, ర‌వింధ‌ర్ మాద‌సు, జ‌య‌ప్ర‌కాష్ చ‌ల్లా, శ్రీ‌ధ‌ర్ శ్రీ‌రాముల‌, ప్ర‌శాంతి వ‌ర్మ ముద్దినేటి, సుద‌ర్శ‌న్ ప‌త్రి త‌దిత‌రులు పాల్గొని కార్య‌క్ర‌మాన్ని విజ‌యవంతం చేశారు.

MATA సియాటెల్ చాప్టర్ కిక్-ఆఫ్

డిసెంబర్ 16, 2023న, MATA సియాటెల్ చాప్టర్ WAలోని బెల్లేవ్‌లోని ఈస్ట్‌సైడ్ బహాయి సెంటర్‌లో తన కార్యకలాపాలను ప్రారంభించింది. ఈ కార్యక్రమంలో ముఖ్య అతిథిగా భారత కాన్సుల్ జనరల్ ప్రకాష్ గుప్తా, గౌరవ అతిథిగా కాన్సుల్ & హెడ్ ఆఫ్ ఛాన్సరీ సురేష్ కుమార్ శర్మతో సహా ప‌లువురు ప్రముఖులు పాల్గొన్నారు. మిస్ టీన్ ఇండియా శ్రీయా ఈ ఈవెంట్‌లో పాల్గొని సంద‌డి చేశారు. సియాటెల్ చాప్టర్ కిక్-ఆఫ్ భాగంగా తెలుగుజాతి సంప్రదాయాలు ఉట్టిపడేలా వైభవంగా సాంస్కృతిక కార్యక్రమాలు జరిగాయి. హాజరైన వారికి తెలుగు రుచుల విందును అందించారు. ప్రముఖ నేపథ్య గాయకుడు వేణు శ్రీరంగం వారి ప్రత్యక్ష సంగీత ప్రదర్శన హైలైట్‌గా నిలిచింది.

మాటా సియాటెల్ టీమ్ స‌భ్యులు విజయ్ భాస్కర్ గడ్డం (బోర్డ్ ఆఫ్ డైరెక్టర్స్), ప్రశాంత్ శ్రీపెరంబుదురు (బోర్డు ఆఫ్ డైరెక్టర్స్), నిక్షిప్త రెడ్డి, అనిల్ కుమార్, గోపి ఎం, మహేష్ కుమార్ అల్లు, మాణిక్యం బావండ్ల, తూనుగుంట్ల నాగేశ్వరరావు, నరేష్ చెవుల, రంగా బొండాడ, స్వప్న తాండ తదితరులు పాల్గొని కార్య‌క్ర‌మాన్ని విజ‌యవంతం చేశారు.

MATA బే ఏరియా కిక్-ఆఫ్
సియాటెల్ ఈవెంట్ తర్వాత, MATA బే ఏరియా చాప్టర్ దాని కిక్-ఆఫ్ ఈవెంట్‌ను డిసెంబర్ 17, 2023న డబ్లిన్, CAలోని డబ్లిన్ Blvdలోని పీకాక్ బాంక్వెట్ హాల్‌లో నిర్వహించింది. తెలుగు సమాజం పట్ల ఇదే విధమైన స్నేహభావం, నిబద్ధతతో ఈ సమావేశం కొన‌సాగింది. ఈ ఈవెంట్‌లో వినోదాన్ని జోడించి వేణు శ్రీరంగం చేసిన సంగీత విభావరి ప్రేక్షకులను ఆకట్టుకుంది.

MATA బే ఏరియా స‌భ్యులు.. భాస్కర్ మద్ది, రాజేంద‌ర్ సిరిపురం, సంతోష్ కపర్తి, గణేష్ పిట్టల, రామ్ వడియాల, భాస్కర్ కాల్వ, కృష్ణ వేముల, కరుణ కందగట్ల తదితరులు పాల్గొని కార్య‌క్ర‌మాన్ని విజ‌యవంతం చేశారు.

MATA కిక్-ఆఫ్ ఈవెంట్‌లు విజ‌యవంతం అయిన సంద‌ర్భంగా మాటా వ్యవస్థాపక అధ్యక్షుడు శ్రీనివాస్ గనగోని మాట్లాడారు. వ‌రుస‌గా మూడు చాప్ట‌ర్‌ల విజయవంతమైన కిక్-ఆఫ్ ఈవెంట్‌లకు తన అభినందనలు తెలియజేశారు. అమెరికాలోని వివిధ ప్రాంతాలలో సేవా, సాంస్కృతిక కార్యక్రమాలను నిర్వహించడం, ఐక్యతను పెంపొందించడం, తెలుగు సమాజం గొప్ప వారసత్వాన్ని పరిరక్షించడంలో MATA కొన‌సాగిస్తున్న నిబద్ధతను ఆయన వివ‌రించారు.

MATA ఫ్యామిలీలో చేర‌డానికి ఒక అరుదైన అవ‌కాశం క‌ల్పిస్తోంది. యునైటెడ్ స్టేట్స్ ఆఫ్ అమెరికాలోని మీకు, మీ కుటుంబ స‌భ్యుల‌కు, మీ స్నేహితులకు ఉచితంగా MATA రెగ్యులర్ మెంబర్‌షిప్ ఇస్తోంది. 5 సంవత్సరాల పాటు చెల్లుబాటు అయ్యే $ 25 విలువైన గిఫ్టును అందిస్తోంది. డిసెంబ‌ర్ 31లోపు మీ సభ్యత్వాన్ని నమోదు చేసుకునే అవ‌కాశం ఉంది. https://mata-us.org/mata_membership సాధారణ సభ్యత్వం 5 సంవత్సరాలు చెల్లుబాటు అవుతుంది. అమెరికాలో 5 సంవత్సరాలకి మీ కుటుంబ సభ్యులకు బహుమతిగా ఇచ్చే అవ‌కాశాన్ని క‌ల్పిస్తోంది.

• * *

BREAKINGNEWS APP
ఎప్ప‌టిక‌ప్పుడు మ‌న వార్త‌ల కోసం ఇప్పుడే ప్లేస్టోర్ నుంచి
Breaking News APP డౌన్‌లోడ్ చేసుకొండి

https://play.google.com/store/apps/details?id=com.mediaboss.breakingnewsapp